Plantun de Prouvènço

Pèr coumpara dos planto d'encò nostre

Bryum argenteum & Lilium martagon

Bryum argenteum

Bryaceae

Nom en français : Bryum argenté.

Descripcioun :
Aquelo mousso proun coumuno trachis un pau d'en pertout, tipicamen sus lis endré riche en nutriment e de cop que i'a poulua. La var. argenteum, se recounèis à sa coulour di proun blanco mai pòu èstre mens argentado. Fai de mato o pòu faire de tepiero basso (< 1 cm d'aut). Li fueio soun lis uno dins lis autre óuvalo e councavo emé uno rufo de mai que la mita de la fueio.

Usanço :
Se pòu engana emé d'àutri mousso dóu gènre Bryum qu'es tihous. I'a peréu li Pohlia mai aquéli an ges de bord de fueio que se vèson bèn.

Port : Acroucarpo
Taio : 1 cm
Fueio : 0,5 à 1,5 mm
Tipe bioulougico :
Cicle bioulougico : Planto renadivo

Gènre : Bryum
Famiho : Bryaceae

Ordre : Bryales

Coulour de la flour :
Petalo : 1 à 2 cm
Ø (o loungour) flour : Lóngui dènt
Flourido : Printèms Ivèr

Sòu : Ca
Autour basso e auto : 0 à 2000 m
Aparado : Noun
Desèmbre à mai

Liò : Muraio - Roco - Pège - Jardin
Estànci : Mesoumediterran à Subaupen
Couroulougi : Oulartico
Ref. sc. : Bryum argenteum Hedw., 1801

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.